Тәтешлеләр: онлайн аша түләгез

Киосклар янында һәм банкларда чират торулар шактый вакытны ала һәм нервларны какшата. Бәлки шуңа да, күп кенә тәтешлеләр торак-коммуналь хезмәтләр өчен вакытында түләми торганнардыр. Әмма бүген, "Дәүләт хезмәтләренә түләү" онлайн сервисы барлыкка килгәч, бу азрак җиңеләя төште, ә иң мөһиме - тиз! Моның өчен Татарстан Республикасы дәүләт хезмәтләре порталында "шәхси кабинет" булдырырга гына кирәк. Теркәлү өчен телефон номерын күрсәтү дә җитә, сезгә шунда пароль җибәрелә. Өйдән чыкмый гына ТКХның барлык хезмәтләре буенча хисаплаулар турындагы мәгълүматларны тикшерергә, телефон, балалар бакчасы өчен түләргә, шәхси счетны күзәтергә, хакимиятнең дәүләт һәм муниципаль органнары хезмәтләрен алырга мөмкин.