Тәтешлеләр төзекләндерәләр һәм яшелләндерәләр

- Баштан ук әйтеп куям, барлык игелекле гамәлләр ТИҮнең актив әгъзалары, киң күңелле кешеләр ярдәмендә һәм район администрациясе булышлыгында башкарыла.

Безнең территория чиклә­рендәге шәһәребезнең йө­зе булып торган биналар һәм корылмаларның тышкы күренешенә барыннан да бигрәк зур игътибар бүлеп бирелде. Комисс­ия караган вакытта йортларның тышкы якларын һәм коймаларны ремонтлау таләп ителгән 33 объект ачыкланды. Хуҗалар ТИҮ активының шелтәсе белән килештеләр, аларга җаваплы карадылар, һәм күрсәтелгән эшләр билгеләнгән вакытка башкарылды. Хәзер үзләренә дә, узып-китеп йөрүчеләргә дә күңелле, шәһәр кунаклары алдында да йөзебез кызармый.

Шәһәрдә яңа матур йортлар барлык­ка килүе, күпкатлыларга капиталь ремонт ясалуы, шатландыра. Әлеге күренешне тузган, яртылаш кыйшайган йорт яны корылмалары ямьсезләп тора. Район администрациясе инициативасы буенча, күп фатирлы йортларда яшәүчеләр белән аларны сүтеп алу мәсьәләсенә кагылышлы берничә очрашу үткәрелде. Яңа төзелеш өчен хәзерге вакытта сарайлар, гаражлар санын билгеләү буенча эшләр алып барыла.

- Гражданнар йорт яннары территорияләрен санитар чистарту буенча ике айлык­та актив катнашалар, сезонында үләннәрне чабалар, кар чистарталар һәм оешкан төстә гомумшәһәр өмәләренә чыгалар. Үзәк район хастаханәсе, редакция, типог­рафия, китапханә, урманчылык, райпо һәм күп кенә башка коллективлар даими рәвештә өмәләр уздыралар. Бюджет учреждениесе хезмәткәрләре Ленин урамы 45тә урнашкан ташландык территорияне санитар чистартуда актив катнаш­тылар. Алар булачак машина кую тукталышы өчен урын ясап, куе үскән каты-кураларны һәм куакларны кис­теләр.

Без административ комисс­ия белән берлектә шәһәр кагыйдәләрен бозуны ачык­лау өчен атна саен урамнарны әйләнеп чыгабыз. Ни аяныч, яшәүчеләрнең барысы да аларны үтәми - якындагы территорияләрне санитар чистартуга һәм тиешле вакытта аларның барысы да төзәтелсен өчен 67 язмача кисәтү бирелде.

- Без бик теләп төрле чараларда, агач утырту акцияләрендә катнашабыз. "Миләшкәй", "Сабый", "Башаккай" балалар бакчалары хезмәткәрләре чакыруларга бик теләп кушылалар, аларның территория­ләре үткән елны тагын иллеләп агач һәм куакка тулыланды. Куркыныч тудыручы агачларны алыштыру һәм шуышу зоналарын ныгыту буенча аерым эшләр алып барылды - тәтеш­леләр тарафыннан 80нән күбрәк үсенте утыртылды.

- Гражданнарның мөрәҗәгате буенча, ә алар бер ел эчендә 11 булды, без шәһәр башкарма комитеты вәкилләрен, районның кызыксынучан хезмәтләрен чакырып, урыннарга барып очрашулар уздырдык. Каты көнкүреш калдыкларын җыю һәм чыгару өчен контейнер мәйданчык­лары урнаштыру урынын сайлау, ишегалдындагы территория­ләрне яктыртуның торышы, подъездга килү юлларын, тротуарларны, ял зоналарын төзекләндерү, куркыныч тудырган агачларны кисү, су басуга каршы чаралар мәсьәләләрен тикшердек.

- Шәһәрлеләрнең теләк­ләрен һәм тәкъдимнәрен исәпкә алып, аларның яшәве өчен уңайлы, имин шартлар тудыру буенча күләмле эшләрне дәвам итәбез. Территориаль иҗ­тимагый үзидарә өчен рес­пуб­лика бәйгесендә катнашачакбыз, призлы урын ТИҮне төзекләндерү буенча финанс ярдәме алырга мөмкинлек бирәчәк.