Тәтештә авыл хуҗалыгы ярминкәсе булды

(Тәтеш, 8 сентябрь, Тәтеш таңнары). Тәтеш районының авыл ху­җалыгы товар җитеш­терү­челәре һәм авыл җир­лекләре вәкилләре үзләре­нең табигый чиста товарларын тәкъдим иттеләр.

Бик иртә булуга да карамас­тан, яңа җыеп алынган ашлыкны һәм яшелчәләрне сатып алырга теләүчеләр күп булды. Юл кырыйларында утын һәм төргәкле печән төягән транспорт тезелгән.

– Бәрәңге алып килгән идек, аны бик тиз арада алып та бетерделәр, – диделәр Монастырский авылы җирлеге вәкилләре. Әмма аптырарлык түгел, бераз читтәрәк кенә икенче икмәкне сату буенча кызу сәүдә бара. 

Ит кисәкләре тезеп куелган киштәләр янында да халык күп җыелган иде. Һәм бу гаҗәп тә түгел, тәтешлеләрнең күпчелеге алдагы көннәрне кайгыртып, нәкъ тә терлек ит­ләре алыр өчен иртәдән үк килгәннәр.

– Авыл хуҗалыгы ярмин­кәлә-­ренә һәрчак йөрим. Яшелчәне үзебез үстерәбез, гадәттә ит, эремчек, сөт сатып алабыз. Һәм бүген, ниләр ниятләп куйган булсам, барысын да алдым. Базар бәяләре белән чагыштырып караганда, монда арзанрак. Мондый ярминкәләр үткәрүләре бик әйбәт, – дип уртаклашты шәһәрле ­Людмила ­Ярандаева.

Ашлык үтемле товарларның берсе булды, аны сатып алырга бары тик шәһәрлеләр генә түгел,  шулай ук район авылларында яшәүчеләр дә килгәннәр.

– Арпа белән бодайга аеруча да сорау күп булды. Нәрсә алып килгән булсак, барысын да сатып бетердек, – диде “Колос” агрофирмасының баш агрономы Илнур Измайлов.

Сүз уңаеннан бәяләр хакында: бодайны – килосын 12 сумнан, арпаны – 10 сумнан, борчакны 13 сумнан сатып алып булды. 

Тәтеш районы башлыгы Рәмис Сафиуллов ярминкәдәге сәүдә рәтләрен карап йөрде һәм тәкъдим ителгән продукцияләрнең бәясе белән шәхсән үзе кызыксынды, кайбер товарларның сыйфатын бәяләде.
– Мондый авыл хуҗалыгы яр­минкәләрен үткәрү ­матур га­дәткә кертеләчәк, – дип бил­ге­ләп үтте Рәмис Хатыйп улы һәм авыл хуҗалыгы товар җитеш­те­рүчеләренә, авыл җир­лекләре вәкилләренә ярмин­кәдә катнашканнары өчен рәхмәт белдерде.

Район һәм авыллардагы мәдәният йортлары артистлары концерт номерлары белән тәтешлеләрнең күңелләрне күтәрделәр. 
Сәүдә итү – ярминкәдә иң актив катнашучыларны бүләкләү белән тәмамланды. 
“Маяк” авыл хуҗалыгы пред­прия­тиесе I дәрәҗә дипломга, “Кильганов” КФХ – II дәрәҗә, Бессоново авылы җирлеге III дәрәҗә ­дипломга ия булды.