Тәтештә конкурска йомгак ясадылар

ТИҮ рәисе Владимир Бичуков башлап йө­рүендә, шәһәр һәм район җитәкчелеге ярдәмендә оештырылган әлеге искиткеч "Иң яхшы ишегалды, үрнәк йорт һәм йорт яны территориясе" бәйгесен­дә катнашучыларны үз шәһәренең, урамының, йортының чын хуҗала­ры дип атарга мөмкин. Беренче урын Көньяк урамының 11нче йорты­на бирелде, йорт буенча өлкән Илсөяр Семенычева. Икенче - Көньяктагы 6нчы йортка (Наталья Шарипова). Өченчелекне Мәктәп урамындагы 11нче йорт алды (Тать­яна Торгашова). Район башлыгы Рәмис Сафи­уллов аларга Мактау грамоталары, акчалата бүләкләр тапшыр­ды. Шулай ук активлар һәм туган шәһәренең тормы­шына битараф булмаганнар, мәйданчык, подъезд, йорттан башлаган тәтеш­леләр: Галина Абрамова, Татьяна Баскакова, Марина Гание­ва, Светлана Камфарова, Надежда Карунина, Валентина Копуше­ва, Татьяна Малкина, Любовь Моисеева, Наталья Потапова, Люция Хөснетдиновалар Рәхмәт хатлары һәм акчалата премияләр белән билге­ләп үтелде­ләр. Көчле затларның исемнәрен ишетү дә кү­ңелле булды: Геннадий Половинкин, Виталий Селюков.

"Сүз дә юк, бу җиңү - йортларыбызда яшәүче һәркемнең хезмәте, - диде Илсөяр Семенычева. - Атна буе бердәмлә­шеп эшләү нәтиҗәсендә газоннардагы чәчәкләр күзне иркәлиләр, мәйданчыкларда тәртип, йорттагы подъез­дларда пөхтәлек хөкем сөрә. Чистарталар, агарталар, ремонтлыйлар, төзиләр. Үзебезгә дә, тирә-як­тагы­ларга да күңелле!"