Ватандашларга көч бирделәр

(Тәтеш, 22  март, “Тәтеш таңнары”). Күмәк ­автоузышта хәрби-диңгез ­флоты, һава-десанты һәм чик буе гаскәрләре ветеран­нары, ­оешмалар һәм предприятиеләр вә­килләре, студентлар һәм Тәтеш районындагы битараф булмаган кешеләр катнашты. Аның максаты – Украинаны денацификацияләү ­буенча үткәрелә торган махсус опе­рациягә халыкның көч бирүен күрсәтү .

– Без, хәрби-диңгез флоты ветераннары, авто­­узышта катнашырга бик теләп ­кушылдык. Бу безне берләштерде һәм Украинадагы махсус опера­циядә катнашучыларга үзенә бер төрле көч бирү булды, – диде ­Хафиз Измайлов.

Тәтештәге дәүләт гражданнарны яклау көллияте студенты Алинә Нас­рет­динова үзенең төркемдәше белән, пассажир буларак катнашты, әмма шуңа да карамастан, онытылмас тирән тәэсирләр, хисләр кичергән.

– Ватаныбызга һәм солдатларга көч өстәр өчен безнең граждан­нар­ның ­берләшә алуын аңлаганнан соң, әйтеп бетергесез тойгылар биләп ала. Алар моны һичшиксез тоярлар, безнең үзләре бе­лән бергә булуын алар беләчәгенә ыш­а­нам, чөнки мондый ак­цияләр бөтен Россия буенча уза, – дип сөйләде кыз.

– Автоузыш ­хакында ишеткәч үк, анда кат­на­­шырга булдым. Ча­ра­ның киң күләмле булуы бик тәэ­сирләндерде. Без, яшьләр өчен, мондый акцияләр кирәк, алар бездә ватан­пәрвәрлек хисләре тәр­бияли, – дип билгеләп үтте көллият студенты Максим Ишимов.

Автоузышны безнең районның  яшьләр бер­ләшмәләре һәм Тәтештәге  автомәктәп оештырган.