Тәтештә “Кайнар йөрәкләр” фестивале булып узды

(Тәтеш,  28 декабрь, Тәтеш таңнары).  “Барс” спорт-cәламәтләндерү комплексында Россия Федерациясендә Ирекле ярдәмчеләр (волонтерлар) елын йомгаклауга багышланган “Кайнар йөрәкләр” фестивале булып узды.

Әлеге чара кысаларында тематик квест-уен һәм флешмоб үткәрелде.

Фестивальнең ахырында “Иң яхшы волонтерлык отряды” дип аталган район бәйгесенә йомгак ясалды. “Коткаручы” (Тәтеш дәүләт гражданнарны яклау көллияте) отряды җиңүче булды, икенче урынга “Тимурчылар” (Урюм урта мәктәбе) лаек булды, өченче урынны “Форпост” (1нче мәктәп) һәм “Лидер” (Тәтеш авыл хуҗалыгы техникумы) отрядлары бүлеште.