Сугышка каршы китап

(Тәтеш, 20  май, “Тәтеш таңнары", Руслан Багиров). Николай Сорокинның сугыш турындагы “Тол хатыннар мендәре” дигән яңа романын тәкъдим итү кичәсе язучының кече ватаны Олы Шәмәктә булды.

Авыл кешеләрен сугышка озаткан ул көннәрдә “туган җир җырчысы” әле якты дөньяга туган гына. Николай Сорокин якташлары турындагы “Мәңгелек Идел” роман-трилогиясен документаль нигездә яза, ә хәзер меңләгән тиражда аның “хатын-кыз романы” – “Тол хатыннар мендәре”н берьюлы ике басмада чыгаралар. “Китап сугышка каршы язылган, Михаил Шолоховның “Тыныч Дон”ы кебек, – дип ассызыклады автор. – Сугышны гомерлеккә кем генә туктатыр икән соң? Хатын-кызлар! Толлар сүздә генә түгел, үзләренең улларын, оныкларын хезмәттә дә якларга алына”.

Олы Шәмәк авыл җирлеге башлыгы Алексей Афанасьев Николай Сорокинга искә алу кичәсе өчен рәхмәт белдерде һәм авторга иҗади уңышлар теләде. Чарада җирлектәгеләрдән тыш, Тәтеш, Кушкуй, Кече Шәмәк, Олы һәм Кече Бисәрдә яшәүчеләр дә катнашты.

фото: архив/Елена Калашникова