Геройларның гаиләләре белән элемтәне ныгытып
Үзәк китапханәдә ТРда Ватан сугышчылары гаиләсе комитетының Тәтеш районындагы вәкиллеге штабының оештыру киңәшмәсе булды, анда штаб җитәкчесе Ольга Илларионова аның әгъзалары составы турында сөйләде.
Киңәшмә барышында төп бурычларны һәм эшчәнлек төрләрен билгели торган норматив документлар каралды, штаб әгъзалары арасында бурычлар билгеләнде.
Киңәшмәдә “Ватанны саклаучылар” дәүләт фондының Татарстан Республикасы буенча филиалының Тәтеш районындагы социаль координаторы Радик Шәмсетдинов чыгыш ясады. Ул махсус хәрби операциядә катнашучыларның гаиләләре белән эшләү тәҗрибәсе белән уртаклашты һәм уртак эшчәнлекнең төп юнәлешләрен билгеләп үтте.
Штаб җитәкчесе урынбасары Олег Евсеев эшне планлаштыру һәм булачак чаралар турында сөйләде.
– Ватан сугышчылары гаиләләре комитетының максаты һәм миссиясе – хәрби хезмәткәрләргә һәм аларның гаилә әгъзаларына үзара ярдәм күрсәтү өчен махсус хәрби операциядә катнашучыларның гаиләләрен берләштерү, – дип билгеләде Ольга Михайловна. – Шулай итеп, тагын бер иҗтимагый оешма хәрби хезмәткәрләргә, ветераннарга һәм аларның гаилә әгъзаларына ярдәм күрсәтү өлкәсендә башкарма хакимият, җирле үзидарә органнарына ярдәм итәчәк.
фотоны Олег Евсеев тәкъдим итте
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев