Ярдәм итүче Казанның «Зов» инициатив төркеме Тәтеш районының Урюм авылына килде

Махсус хәрби операциядә катнашучыларга ярдәм итүче Казанның «Зов» инициатив төркеме Тәтеш районының Урюм авылына килде.

Анда катнашучылар күптән инде Урюмның «Вера» төркеме волонтерлары белән тыгыз элемтәдә торалар: алар бергәләп яшеренү челтәрләрен үрүдә тәҗрибә уртаклашып кына калмыйлар, махсус хәрби операциядә катнашучы сугышчыларга да иңгә-иң куеп ярдәм итәләр.

Чираттагы тапкыр командалар безнең хәрбиләргә ярдәм итү өчен көчләрен берләштерделәр. Бу юлы ярдәм җыелмасына коры ашлар, чәк-чәк, хуш исле чәй, эчке киемнәр һәм башка кирәкле әйберләр керә - аларның һәркайсы җылы һәм ихлас теләк белән булдырыла. ️

фото: социаль челтәрләр