Бик тәмле җәйге салат

Бик тәмле җәйге салат

Кирәк булачак: 300 грамм тавыкның түш ите, 400 грамм черри помидоры, 500 грамм пекин кәбестәсе,  400 грамм татлы борыч, 200 грамм фета сыры, сохари, майонез, тәменчә тоз, борыч.
Әзерләү тәртибе: тавыкның түш итен уртача зурлыкта турыйбыз да, махсус тавык ите өчен  пап­рикалы тәмләткечтә әвәләп, табада ике ягын да кыздырабыз. Сохари түбәндәгечә әзерләнә: ипине шакмаклап турап, 15-20 минут дәвамында газ мичендә кыздырып алабыз. Пекин кәбестәсе, татлы борыч, кыздырылган тавык итен – озынча итеп, фета сырын – шакмаклап, черри помидорын яртылаш итеп турыйбыз. Барысын да тирән эчле савытка салып, тоз, борыч, майонез өстәп болгатабыз. Сохарины табынга куяр алдыннан гына салатка өстибез.
фото: pixabay.com/ru