Яшел ярдәмчеләрне кулланыгыз

– Чәчү өчен тиз үсә торган һәм салкынга чыдам культуралар бик яхшы туры килә. 

• Ак горчица – иң киң таралганы. Ул берничә көн эчендә шытып чыга, корткычларны нәтиҗәле куркыта һәм туфракны парша һәм фитофтороз кузгатучылардан ­чистарта. 
• Фацелия – бакчада универсаль солдат. Аны теләсә нинди культуралардан соң чәчәргә була. Ул матур челтәр яшеллеккә ия, массасын тиз арттыра һәм хәтта авыр балчыклы туфракны да бик яхшы ­йомшарта. 
• Солының чук тамыр системасы җирнең өске катламын бик яхшы структуралаштыра, аны һавалы итә һәм туфракны калий белән баета. 
• Майлы торма – ти­рән тамырлы куәтле үсемлек. Ул туклыклы мат­дәләрне туфракның гади яшелчәләрнең тамырлары җитмәгән аскы катламнарыннан ала һәм аларны өскә чыгара.
• Сидератлар чәчү – участокның уң­ды­рышлылыгын тор­гызу­ның иң гади, арзан һәм экологик чиста ысулы. Бу үсемлекләр берьюлы берничә юнәлештә эшлиләр. 
• Туфракны савыктыру. Сидерат тамырлары авыру кузгатучы гөмбәләр һәм бактерияләр үсешен туктатучы үзенчәлекле матдәләр бүлеп чыгара. 
• Чүп үләннәре белән көрәш. Яшел ярдәм­челәрдән торган тыгыз келәм чүп үләннәрен яктылыксыз калдыра, аларга үсәргә мөмкинлек ­бирми. 
• Юылудан саклау. Җәй ахырында һәм көз көне еш яңгырлар буш туфрактан кыйммәтле азот һәм башка минералларны юып чыгара. Сидератлар аларны үзләрендә тоталар. Көзен үсеп җиткән яшеллекне туфракка эшкәрткәндә, сез идеаль гумус алачаксыз, ул язга түтәлләрне уңдырышлы мамыкка әйләндерәчәк.
• Кадерле вакытыгызны әрәм итмәгез. Яшелчәләрне җыйгач, шунда ук тырма белән түтәлләрне ти­гезләгез, сидерат орлыкларын сибегез һәм мул итеп сибегез. Киләсе сезонда җир сезгә мул уңыш бирер, – дип киңәш итә Рос­сельхозцентрның Татарстан Республикасы буенча әйдәп баручы белгече ­Салават Галимҗанов.

Фото: ИИ