Җиләк пирогы

(Тәтеш, 29 июнь, "Тәтеш таңнары"). Җиләк пирогы

Камыр өчен:
2 күкәй, 1/2 чәй кашыгы тоз, 1 стакан кефир, 100 гр маргарин, 1 чәй кашыгы көпшәкләндергеч (разрыхлитель), он - 250 грамм (камыр куе каймак кебек булырга тиеш), 100 грамм шикәр комы, аз гына ванилин.
Эчлек өчен: җиләк, тәменчә шикәр комы.

Йомшарган майга шикәр комы, күкәй, кефир, он, ванилин, көпшәкләндергеч кушып болгатабыз һәм табага салабыз да өстенә җиләкләрне тезәбез. Кызган газ мичендә пешерәбез.