Хуҗабикәләргә: “Генерал” салаты

(Тәтеш, 29 гыйнвар, «Тәтеш таннары»). “Генерал” салаты.

Ингредиентлар: 200 грамм пешкән ит, икешәр чөгендер һәм кишер, 3-4 пешкән йомырка, 100 грамм каты сыр, 2-3 тырнак сарымсак, майонез.

Вак итеп туралган иткә сарымсак, майонез салырга һәм барысын бергә болгатырга. Калган ризыкларны эре угычтан уарга. Аннары катламлап салыр­га – ит, сыр, йомырка, кишер, чөгендер. Һәрбер катламны майонез белән сыларга. Шуннан соң суыткычка куярга. Салатны табынга чыгарыр алдыннан яшеллекләр һәм үзенчәлекле тәм бирсенгә анар төшләре белән бизәп җибәрергә мөмкин.