Тетюшские зори
  • Рус Тат
  • Кыяр уңышы мул булсын дисәң...

    Әгәр сез үсемлекләрдә бары тик “буш” чәчәкләр генә үсүен күрсәгез, ул чакта берничә көн су сипмичә торырга һәм туфракның кибүенә китерергә кирәк – бу төенле чәчәкләр барлыкка килүгә этәргеч бирә.

    (Тәтеш, 25 июль, "Тәтеш таңнары", Мария Храмова). Әгәр сез үсемлекләрдә бары тик “буш” чәчәкләр генә үсүен күрсәгез, ул чакта берничә көн су сипмичә торырга һәм туфракның кибүенә китерергә кирәк – бу төенле чәчәкләр барлыкка килүгә этәргеч бирә.

    Туфрак дымнан саклау өчен махсус эшләнмәгән булса, суны еш сибү тамырларның кислородка талчыгуына китерә. Җир өслекләрен китмән белән йомшарту тирән булмаган тамыр системасына зыян сала, ул үсемлекләрнең тиешенчә үсүенә комачаулый. Моңардан чыгу юлы: бакча сәнәге ярдәмендә җиргә 10 – 15 сантиметр тирәнлегендә тишекләр ясарга, моның ярдәмендә һава керү тәэмин ителә. Салкын һава торышында кыярларны өстәмә тукландыру файдасыз, чөнки тамырлар туклыклы матдәләрне туфрак температурасы 10 градустан түбән булмаган вакытта үзләштерергә сәләтле.

    Җәен еш кына озакка сузылган яңгырлар була, бу күгәрекле черүнең тиз таралу куркынычын китереп чыгара. Яхшы нәтиҗә күренгәндә сабакларны агач ботагына бәйләп куялар. Җиргә якынча бер метрлы нык колга кагалар, алар арасына җеп тарталар һәм кыярның үрелмә сабакларын виноградныкы кебек итеп бәйлиләр. Җилләтеп алу чир килеп чыгу куркынычын киметә, шулай ук уңышны җыеп алуы да ­уңайлырак була.  

    Нравится
    Поделиться:
    Реклама
    Комментарии (0)
    Осталось символов: