“Минутка” пиццасы

(Тәтеш, 24 ноябрь, "Тәтеш таңнары).

Кирәк: йомырка – 2 данә, майонез – 4 аш кашыгы, каймак – 4 аш кашыгы, он – 9 аш кашыгы, сыр – тәменчә, колбаса – чама белән, гөмбә – үзегез теләгәнчә, помидор – 1 данә.

Әзерләү: Йомырка, он, каймак, майонезны болгатырга. Камыр каймак куелыгында сыек була. Камырны табага агызырга һәм өстенә теләсә нинди эчлек салырга мөмкин: мәсәлән, сосиска, аннары бераз ысланган колбаса, җиңелчә итеп кыздырылган гөмбә, иң өскә помидор.  Шуннан соң майонездан челтәр сыман сызыклар ясарга һәм угычта уылган сырны калын катламлап сибәргә. Табаны уртача уттагы плитәгә 10 минутка куярга. Сыр эрегәч, табаны шунда ук капкач белән томаларга, пицца әзер. Эчлеген төрләндерергә дә мөмкин, шуңа күрә кушыла торган ризыкларның күләме һәм үзенчәлеклеге сезнең нинди ­ризыкны яратуыгызга карап алына.