Төче камырдан майда йөздереп кабартма пешерәбез.

(Тәтеш, 20 май, "Тәтеш таңнары").  Төче камырдан майда йөздереп кабартма пешерәбез.

Бер зур бокал җылымса кефир, ярты чәй кашыгы тоз, ярты чәй кашыгы сода, 2 аш кашыгы көнбагыш мае, он салып йомшак кына камыр басабыз. Аны 15-20 минут тастымал белән томалап тотабыз.

Аннары түгәрәк кабартмалар ясап, аның уртасын тишеп җибәрәбез дә кызган майда йөздереп пешерәбез. Йомшак кына, бик тәмле була. Бу камырдан суган һәм йомырка эчлегеннән пәрәмәч тә пешерергә мөмкин.