Валчыклап ясалган алма бәлеше

 (Тәтеш, 23 август, "Тәтеш таңнары").  

Камыр өчен кирәк: 250 грамм он, 100 грамм ак май, 2 аш кашыгы шикәр комы, 2 чәй кашыгы көпшәкләндергеч (разрыхлитель), 2 аш кашыгы салкын су. 

Эчлеккә: 4-5 алма, 2-3 аш кашыгы джем яки повидло.

Майны он белән уабыз. Шикәр комы, камыр көпшәкләндергеч (разрыхлитель), салкын су кушып, валчыкларны шар рәвешенә китерәбез дә икегә бүләбез. Таба төбенә уасы камыр зуррак булырга тиеш. Бер кисәк камырны пергамент кәгазь җәелгән табага угыч аша уабыз һәм тигезлибез. Угыч аша чыгарылган алмага повидло кушып болгатабыз да камыр өстенә салабыз. Эчлекне таба кырыена ук якын китереп җәймәскә кирәк. Өстенә икенче катлам камырны уып, кызган мичкә тыгабыз. 40 минут чамасы пешерәбез. 
Тәмле булсын!