“Яшелчәләр җыелмасы” салаты

 (Тәтеш, 13 июль, "Тәтеш таңнары", Алсу Җиһаншина). Дуслар, кышка төрле салатлар кайнатып ясар вакыт җитте. Сезгә гади һәм тәмле салат рецепты тәкъдим итәбез.

Кирәк булачак: 1шәр кило – кәбестә, помидор, кыяр, татлы борыч, кишер.
Барысын да салатка кискәндәй турарга, кишерне угычтан уарга. Барлык яшелчәләрне ­болгатырга.

Аннары өстәргә: 
көнбагыш мае – 200 грамм, 9%-лы серкә – 200 грамм, тоз – 8 чәй кашыгы, шикәр комы – 16 чәй кашыгы. Барысын бергә болгатырга. Пешерергә куярга. Кайнап чыкканчы тотарга, 5 минут кайнатырга.

Стерильләштерелгән банкаларга тиз генә тутырып куярга. Капкач белән боргычларга. Өстен аска әйләндереп тезәргә. Томаларга. Суынганчы шул килеш тотарга.