“Бернинди сере дә юк. Бары тик яшим генә”...

(Тәтеш, 19 сентябрь, «Тәтеш таңнары», Юлия КАЛИНИНА, автор фотосы). Ул 1918 елда күп балалы гаиләдә туа, аңардан тыш әле ике апасы һәм абыйсы була. Хәзер Фекла Андреевна туганы Нина Ржинова белән яши. 

“Элек үзе хакында күп сөйләде, әмма хәзер хәтере сыната. Сугыш вакытларында ничек итеп агач та­шулары, суыкларда Урюм­га кадәр берничә рейс ясаулары, окоп ка­зулары турында сөйли иде”, – дип уртаклаша Нина Владимировна. Һәм Фекла Андреевнаның хезмәт кенәгәсен күрсәтә, анда беренче тамга 1951 ел белән даталанган, ә “Эшкә кабул итү турындагы мәгъ­лүмат” баганасында түбән­дәгеләр теркәлгән: “Маг­нитогорск-Коксохиммонтаж СМУ. Өченче разрядлы эшче бу­ла­рак кабул ителгән”. Ул вакытларда кыз, Иоковоның күп кенә яшьләре кебек, торф чыгаруда хезмәт куя. 60нчы еллар башында районга кайта һәм Тәтештәге сигезьеллык мәктәпкә техник хезмәткәр булып урнаша. Аннары 2нче санлы ба­лалар бакчасында, бу вакытта ул хәзерге халыкны социаль яклау бүлеге бинасында урнашкан була, сабыйлар караучы булып эшли. Шунда ук яши дә, мәктәп каршындагы учреждениедә, ке­черәк бер бүлмәдә. Ул мич белән ягылган, уникешәр мич ягарга туры килгән, өстәвенә иртәсен дә, кичен дә. Берсен кабызып җибәргән арада, икенчесе инде янып беткән. Бу елларда балалар бакчасы янындагы абзарларда әле тагын дуңгызлар да асраганнар, аларны карау мәшәкате шулай ук Фекла Андреевна вазифасына кергән. 1973 елда лаеклы ялга чыккан. Нина Владимировна әйтүенчә, озын гомерле әбекәй дару эчми, беркайчан да телевизор карамаган, соңгы вакытка кадәр даими рәвештә күнегүләр белән шөгыльләнгән һәм төгәл вакыт буенча туклана икән. Җиренә җиткерүчәнлек һәрвакытта диярлек юбилярның аерылып торган сыйфаты булган. Фекла Андреевна озак яшәүнең сере хакында сорагач, елмаеп, болай дип җавап бирә: “Сере юк. Бары тик яшим генә”.    

Тәтешлене юбилее белән район башлыгы Рәмис Сафиуллов, шәһәр башкарма комитеты җитәкчесе Андрей Тегулев, районның ЗАГС бүлеге начальнигы Лариса Дианова тәбрикләде. Рәмис Хатыйп улы тыл эшчәненә РФ Президенты Владимир Путин һәм ТР Президенты Рөстәм Миңнехановның тәб­рикләмәләрен, шулай ук ис­тәлек­ле бүләк тапшырды.