Кешеләр иминлеге мәсьәләләре контрольдә
Тәтештә шимбә көнне район башкарма комитеты җитәкчесе Аркадий Семенычев рәислегендә гадәттән тыш хәлләр буенча район комиссиясе – коронавирус инфекциясе таралу белән көрәшү буенча штаб утырышы булды.
(Тәтеш, 1 апрель, «Тәтеш таңнары»). Районда коронавирус таралмауга шартлар булдыруны тәэмин итү өчен өстәмә чаралар һәм карарлар кабул ителде.
– Тәтеш районында бүгенге көндә коронавирус белән авыручылар юк.
– Коронавируска анализларны Тәтешнең үзәк район хастаханәсендәге медицина хезмәткәрләре Казанга лабораториягә җибәрә.
– Бүгенге көндә 9 тәтешле карантинда тора.
– Җаваплы хезмәтләр районда яшәүчеләрнең Тәтешкә яки авыл җирлекләренә кайткан гражданнар хакында 2-50-01 телефоны буенча хәбәр итүләрен үтенә.
Исегезгә төшерәбез, пенсия фонды, Тәтеш бүлегенең республика матди ярдәм үзәге, салым хезмәте, күп функцияле үзәк, хокук саклау органнарының ашыгыч рәвештәге хезмәтләре кирәк булган очракта, uslugi.tatarstan.ru дәүләт порталын яки оешмаларның телефонын файдаланырга мөмкин.
Следите за самым важным и интересным в Telegram-каналеТатмедиа
Нет комментариев