Республикада Covid-19 авыруыннан сигезенче пациент вафат булды
Татрастанда тәүлек эчендә коронавирус инфекциясе белән авыруның 80 яңа очрагы ачыкланды.
(Тәтеш, 18 май, "Тәтеш таңнары").Татарстанда Covid-19 авыруыннан үлүнең сигезенче очрагы расланган. Бу хакта «Татар-информ»га Татарстан Президенты матбугат хезмәте җитәкчесе Лилия Галимова хәбәр итте.
«Түбән Кама районында яшәүче 1941 елда туган кеше вафат булды», - диде ул.
Ир-ат 1 майдан башлап Түбән Кама районы хастаханәсенең йогышлы авырулар бүлегендә коронавирус инфекциясенең авыр формасыннан дәвалана. Аңарда ике яклы полисегментар пневмония була. 6 майдан ир-атны үпкәләрне ясалма җилләтү аппаратына тоташтыралар. Ир-ат хроник йөрәк-кан тамырлары авыруы һәм бронхиаль астма белән чирләгән.
Татарстанда узган тәүлек эчендә Covid-19 коронавирусының 80 яңа очрагы расланган, барысы да элемтә юлы белән йоктырылган булуы билгеле. Зарарлану очракларының иң күбесе Казанда — авыру 61 кешедә расланган.
Подробнее: https://tatar-inform.tatar/news/incident/18-05-2020/tatarstanda-covid-19-avyruynnan-sigezenche-patsient-vafat-buldy-5743412
Следите за самым важным и интересным в Telegram-каналеТатмедиа
Нет комментариев