Республикада коронавирусның 85 яңа очрагы ачыкланган

(Тәтеш, 2 гыйнвар, “Тәтеш таңнары”). Татарстанда соңгы тәүлектә яңа коронавирус инфекциясен йоктыруның 85 очрагы теркәлгән. Бу хакта Татарстан Республикасының Сәламәтлек саклау министрлыгының матбугат хезмәте хәбәр итә.

«Бер очрак читтән кертелгән, калганнары авыру йоктырган кеше белән аралашкан. 31 кеше хастаханәгә салынган, 54 авыру өйдә дәвалана», — диелә хәбәрдә.

Бүгенге көндә республикада Covid-19 авыруының барлыгы 13 460 очрагы теркәлгән. 10 758 кеше дәваланып терелгән.

фото: Татар-информ