Республикада тагын 2 кеше коронавирустан үлгән

(Тәтеш, 14 май, "Тәтеш танңары").  Татарстанда коронавирус инфекциясеннән ике үлем очрагы расланды.

ТР Сәламәтлек саклау министрлыгының матбугат хезмәтеннән хәбәр итүләренчә, коронавирустан 1952 һәм 1974 елгы ике ир-ат үлгән.

«Үлемнең сәбәбе патологоанатомик экспертиза үткәрү нәтиҗәсендә ачыкланды», — дип искәрттеләр ведомствода.

Шул рәвешле, Татарстанда Covid-19 корбаннарының гомуми саны 480гә җитте.

Подробнее: https://tatar-inform.tatar/news/incident/14-05-2021/tatarstanda-tagyn-ike-keshe-koronavirustan-lg-n-5823274

фото: pixaaby.com/ru