Республикада тагын 35 кеше коронавирус йоктырган

(Тәтеш, 21 апрель, “Тәтеш таңнары”). Татарстанда узган тәүлектә коронавирус белән авыруның 35 яңа очрагы теркәлгән. Барысы да чирне авыру белән аралашудан йоктырган.
«14 кеше хастаханәгә салынган, 21 кеше өйдә дәвалана», — диелә ТР Сәламәтлек саклау министрлыгы хәбәрендә.

Казанда — 24 (кичә — 17) , Чаллыда — 1 (кичә — 7), Питрәч районында — 3, Спас районында 2 кеше авырган. Шулай ук Югары Ослан, Биектау, Яшел Үзән, Кама Тамагы, Тукай районнарында берәр авыру очрагы ачыкланган.
Бүгенге көндә республикада Covid−19 йогышының 20 133 очрагы теркәлгән. Барлыгы 17 234 кеше, шул исәптән 33 кеше узган тәүлектә терелгән. 

https://tatar-inform.tatar/news/health/21-04-2021/tatarstanda-koronavirus-bel-n-tagyn-35-keshe-avyrgan-5820609

фото: pixabay.com/ru