Тетюшские зори
  • Рус Тат
  • Тәтеш районында ­коронавирустан вакцина ясау дәвам итә

    Вакцина ясату өчен дүрт препарат кулланыла.

    (Тәтеш, 29 август, "Тәтеш таннары"). Тәтеш районында ­коронавирустан вакцина ясау дәвам итә.

    –  Бүгенге көндә без халыкны коронавирустан вакциналаштыру өчен дүрт препарат кулланабыз: иң киң танылганы – “Спутник V” (“Гам-КОВИД-Вак”),  ­“Спутник Лайт” (I компонент), “ЭпиВакКорона” һәм “КовиВак”. Вакцинаның һәркайсы өчен рөхсәт ителми торган билгеләр – 18 яшькә кадәр җитмәү, яман шеш чире, хроник йогышлы авыруларның кискенләшүе. Теләсә нинди очракта да, вакцина ясатыр алдыннан табиб киңәше кирәк. Прививка ясату өчен шәһәр халкына – участок табибына, авылларда шәфкать туташына мөрәҗәгать итү зарур. Кешеләргә уңайлы булсын өчен, ашыгыч медицина ярдәме станциясендә шулай ук тәүлек әйләнәсе вакцина ясала, – дип сөйләде Тәтеш үзәк район хастаханәсе баш табибының эпидемиология мәсьәләләре буенча урынбасары Алмаз ­Юнысов.

    Агымдагы елның 26 августына районыбызның 4654 кешесе беренче прививканы ясаткан, икенчесен – 4138 кеше.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: