«Без бердәм гаилә булып яшибез!»

(Тәтеш, 30 март, «Тәтеш таңнары»). 26 март көнне Кошки-Новотимбаево мәдәният йортында Татарстан Республикасында Туган телләр һәм Халыклар бердәмлеге елына багышланган «Без бердәм гаилә булып яшибез!» дип исемләнгән милли мәдәниятләр район фестивале иҗади программасы булып узды.

Бу бәйрәм кичәсендә хуҗалар кунакларны тематик күргәзмә–кул эшләре, рәсемнәр, кулинария эшләнмәләре һәм башкалар белән каршы алдылар.

Тәтеш районы башлыгы исеменнән сәламләү сүзе белән район башлыгы урынбасары Курков Евгений Гаврилович чыгыш ясады. Тамашачылар хозурына Кошки-Новотимбаево авыл җирлеге артистлары әзерләгән концерт программасы – халык һәм эстрада җырлары, шигъри номерлар, «Чуаш туе» милли йоласы тәкъдим ителде. Концерт программасының һәр номерын тамашачылар алкышларга күмеп бардылар.