Листопадино авылында бер көн

(Тәтеш, 23 май, “Тәтеш таңнары", Юлия Калинина, автор фотосы). Урюм мәдәният йортының “Гармония” театр яратучылар коллективы авыл сәхнәсендә сала тормышы турындагы пьеса белән чыгыш ясады.

Күренештәге хәлләр буенча, спектакль безнең көннәрдә цивилизациядән еракта булган кечерәк авылда бара. Биредә өч әби Семеновна (Вера Балантаева), Антоновна (Светлана Карбулова), Петровна (Татьяна Губернаторова) һәм Кузьмич бабай (Геннадий Карабаев) яши. Көзге җылы кичләрнең берсендә алар үткәннәре хакында искә алалар. Шулай да өлкәннәр хәзер дә ямансулап утырмый: заманча итеп җырлыйлар, бииләр, ә Антоновна хәтта оныгының киемнәрен дә киеп карый! Җирле шагыйрь Шурик та (Иван Данилов) үзенең иҗаты белән пенсионерлар тормышына күп төрлелек кертә. 

Авыл мәдәният йортының сәнгать җитәкчесе Елена Карпова спектакльнең режиссер-куючысы булып чыгыш ясады. “Игелек” дуэты тамашачыларга музыкаль номерлар, ә мәктәп укучылары бию бүләк итте.

Спектакль тамашачыларга бик ошады, алар үзешчәннәрне озак итеп алкышладылар һәм аларны сәхнәдән җибәрәселәре ­килмәде.