Сережкина тормышыннан бер көн

“Күңелле көн” – Алекина Полянадан “Экспромт” театр яратучылар коллективы тамашачыларга бүләк иткән пьеса шулай дип исемләнгән иде. Сюжет куелышы буенча, Елена Сережкина (мәдәният йорты директоры Елена Пантелеева) пенсиягә чыккач беренче көнен үзенең күңел рухы өчен уздырырга була. Ләкин эш барып чыкмый! Аның фатирында иртәдән үк сәер вакыйгалар килеп чыга: әле чегән (Валентина Козлова), әле кызы Даша (Елена Исаева), әле йорт идарәчесе Орешкин (Татьяна Белоусова), әле участковый (Любовь Кудряшова) һәм күршесе Иванцова (Галина Авдеева) аның тынычлыгын боза. Ә Сережкина йорт идарәчесе белән үзенең лаеклы ялга чыгуын билгеләп үтәргә җыенганда дачадан ире Виктор (Татьяна Лоскутова) кайта. Аннары Даша үзенең егетен (Лариса Морозова) алып килә. Ә яңа гына пенсиягә чыгучы янына кичке якта элекке начальник Шавыркин (Ирина Морозова) килергә уйлый. Сережкинаның көне менә шулай күңелле уза.
“Бер ай дәвамында, шимбәдән тыш, һәр көнне кабатларга йөрдек”, – дип уртаклаштылар театр коллективы вәкилләре. Шулай тырышып әзерләнү нәтиҗәсендә бик шәп комедия куйдылар һәм тамашачыларның алкышларына лаек булдылар.