Тетюшские зори
  • Рус Тат
  • Сәламәтлек саклау хезмәтенә тәҗрибәле кешеләрне дә җәлеп итәчәкләр

    Торак мәсьәләсе хәл ителсә, башка сораулар да җайга салыныр.

    (Тәтеш, 25 гыйнвар, “Тәтеш таңнары”). Татарстан Республикасы Президенты Рөстәм Миңнеханов сәламәтлек саклау министрлыгының коллегия утырышында медицина хезмәткәрләре җитешмәгән районнарны әйтеп үткән.

    “Сәламәтлек саклау өчен кадрлар кытлыгы, бигрәк тә беренчел звенода, мөһим сорауларның берсе булып кала. Сәламәтлек саклау министрлыгына квалификацияле кадрлар белән тәэмин итүне дәвам иттерергә кирәк”, – дигән  Президент, Лениногорск, Аксубай, Спас, Зәй районнарында табиблар җитмәвен белдереп.

    “Район-шәһәр башлыклары да, сәламәтлек саклау хезмәте дә яшьләрне генә түгел, тәҗрибәле кешеләрне җәлеп итүне кайгыртырга тиеш”, – дигән Рөстәм Нургали улы.

    Президент читтән дә кадрлар җәлеп итәргә кирәк дип билгеләп үткән. “Республикага килергә теләүчеләр җитәрлек булыр дип уйлыйм. Торак мәсьәләсен хәл итсәк, башка сораулар хәл ителер”, – дип белдергән.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: