Җирлек башлыгы Илдар Шәмсетдинов узган елны Бакырчыда яңа фельдшер-акушерлык пункты ачу һәм күчмә мобиль поликлиника эшләвен авыл кешеләре тормышында әһәмиятле вакыйга, дип саный.
(Тәтеш, 21 апрель, «Тәтеш таңнары») “Бакырчы” авыл хуҗалыгы предприятиесе җитәкчелеге җирлеккә зур иганә ярдәме күрсәтә, – ди Илдар Мәхмүтгәрәй улы. – Мәсәлән, былтыр хуҗалык акчасына 200 метр юлга вак таш-ком катнашмасы түшәлде”. Җирлек башлыгы район һәм республика хакимиятенә кайгыртучанлыклары өчен авыл кешеләре исеменнән рәхмәт белдерә: авыл территорияләренә ярдәм итү программасы буенча Бакырчыда – 550 метр һәм Үтәмештә 250 метр юлны төзекләндергәннәр. “Безнең җирлектә теләсә кайсы йортка юл бар, дип әйтә алам”, – диде ул ышанычлы итеп.
Нет комментариев