Бал кортларын асрауга аерым тәртипләр бар

(Тәтеш, 7 июнь, "Тәтеш таңнары"). Гражданнар бал кортларын, бу аларның милке һәм алар анда нәрсә тели шуны эшли алам дип уйлап, еш кына үзләренең бакча кишәрлекләрендә асрый. Кайвакытлар­да күршеләренә уңай­сызлыклар да китереп чыгаралар. Әмма шунысын истә тотарга кирәк, бүгенгесе көндә һәрбер эшчәнлек тәртипкә салынган һәм бал кортлары асрау шулай ук игътибарсыз калдырылмаган, – дип аңлатма бирә ТР буенча Россельхознадзор Идарәсенең чик буе ветеринария контроле бүлеге дәүләт инспекторы Гөлнара Арсланова. – Гражданнарга бал җыючы умарта кортларын асрауны тәртипкә салу белән бәйле РФ Авыл хуҗалыгы ­министрлыгы тарафыннан расланган боерыктагы шуңа кагылышлы кагыйдәләрне искә төшерәсе килә”. 

Белгеч берничә кагый­дәне санап үтә: шәхси хуҗалыкларда бал кортлары булган умарта оялары күрше җир кишәрлеге чикләреннән 3 метрдан да ким булмаган ераклыкта умарта оясының авызларын умарта тотучының җир кишәрлеге уртасына юнәлтеп, яисә аларны күршедәге җир кишәрлегеннән ким дигәндә 2 метрлы тоташ койма (яки куе куак­лар, яисә корылмалар) белән бүлеп алынган вакытта ераклык буенча чикләүләрсез урнаштырылган булырга тиеш; бал кортларын караганда, бал аертып алганда, бүлгечләр ясаганда, умарта гаиләләрен яңадан күчереп урнаштырганда кагыйдәләрне һәм башка затларның закон тарафыннан саклана торган мәнфәгатьләрен боза торган гамәлләр кылу рөхсәт ителми; торак пунктларда бал кортлары асраган вакытта аларның исәбе 100 квадрат метр җир кишәрлегенә ике умарта оясыннан да артык ­булмаска тиеш.

фото: архив/Авангард