Балалар бакчасы сабыйлары тракторчы, принцесса, ЮХИДИ хезмәткәрләре булды...

 (Тәтеш, 12 июль, "Тәтеш таңнары", Мария Храмова, Марина Гурьянова фотосы). Тәтешнең “Әкият” балалар бакчасында “Уйла! Эшлә! Килеп җит!” дигән сабыйлар транспорты парады булды.

“Бәйгедә үз велосипедларын, самокатларын, коляс­каларын һәм башка техниканы бизәгән балалар катнашты. Әниләр, әтиләр һәм кечкенә ярдәмчеләр үз куллары белән мог­җизалар тудырдылар, яраткан транспорт төрен матурлау­га иҗади якын килделәр, – дип сөйли өлкән тәрбияче Юлия Пескова. – Балалар бакчасына каретада әкият геройлары, соклангыч күбәләкләр, океан киңлекләрен иңләүче “Бөек Данил” корабле, кеше-үрмәкүч, принцесса, шәфкать туташы, ЮХИДИ хезмәткәрләре, яшь тракторчы, хәтта тиен белән тылсымлы фея, ромашка, балык­чы, ул балык та тотты, һәм башкалар килде.

Кечкенә пассажирларның әти-әниләре балаларның үзенчәлекле хәрәкәт итү чарасын әзерләүдә бөтен гаилә шөгыльләнүе турында сөйләделәр. Мавыктыргыч күренеш­ләр сабыйлар һәм әти-­әниләрне тагын да күбрәк берләштерде, шатлыклы ­мизгелләр бүләк итте.

Балалар бакчасында узган чара өлкәннәргә сабыйның транспорты никадәр генә матур бизәлмәсен, юл хәрәкәте кагыйдәләрен һәрвакытта хәтерләргә ки­рәклеген искә төшерделәр.

“Юл патруле” дигән юл хәрәкәтенең яшь инспекторлар отряды балалар транспортында имин хәрәкәт итү мәсьәләләре хакында сөйләде. Аннары “Тукта! Велосипедтан төш!” дигән акция үтте. Әти-­әниләр трафарет һәм буялар ярдәмендә җәяүле кичүе алдына ­“Тукта” Велосипедтан төш!” дигән язу урнаш­тырдылар.

Бәйрәмдә Буа бүлегенең “Юл хәрәкәте иминлеге” ДБУ бүлеге начальнигы Анна Сергудаева һәм Росс­ия Эчке эшләр министрлыгының Тәтеш районы ЮХИДИ бүлеге белгече Илмир Гарипов катнашты. Алар парадта булучыларга грамоталар һәм истәлекле бүләкләр тапшыр­дылар, ә барлык сабыйларга юл хәрәкәте кагый­дәләре турындагы тирән эчтәлекле китап өләш­теләр”.