Байраш авылындагы чишмә көннән-көн матурлана

(Тәтеш, 9 август, "Тәтеш таңнары"). Авыл кешеләре әйтүенчә, чишмә янында эш туктап тормый.

Шушы җирлектә яшәүче Гөлфия һәм Гөлчәчәк Гаязовалар, Миләүшә Гайфуллина, Тәнзилә һәм Тәүфыйк Йосыповлар бик тырышып эшләп,  хезмәт барышында үзләреннән зур өлеш керткән.

Сәлимә Шәфигуллина, Фаил Сафин, Дамир Загриев, Ләйсән Хәйруллина, Диләрә Баһаветдинова да читтә калмыйча, булышлык күрсәткән. Зәкия Шакирова белән Гөлфирә Нотфуллина чишмә  тирәсенә чәчәкләр утырткан.

Айрат Гаязов, булат Йосыпов, Кәбир Гайфуллин коены чистартырга булышкан.