Бүген төнлә Роберт Миңнуллин китеп барды

(Тәтеш, 27 март, “Тәтеш таңнары”). Халык шагыйре Роберт Миңнуллин вафат. Бу хакта шагыйрьнең бертуганы Ким Миңнуллин хәбәр иткән.

“Бүген төнлә абыебыз китеп барды”, – дигән ул.

Роберт Миңнуллин 72нче яше белән бара иде. Каты авыру белән көрәште. Роберт Мөгаллим улы Миңнуллин 1948 елның 1 августында Башкортстанның Илеш районында туа. Озак еллар “Яшь ленинчы” (“Сабантуй”) гәҗитенә җитәкчелек итә. 1988 – 1994 елларда Татарстан Балалар фонды рәисе булып эшли. 1995 – 2014 елларда Татарстан Республикасы Дәүләт Советы депутаты итеп сайлана.