“Енага истәлеккә...”

(Тәтеш, 25 июль, "Тәтеш таңнары").   Гәҗит укучыларыбызның язмалары, хатлары, шалтыратулары булсынмы яки үзләре килсенме, аларның хәбәрләре безне һәрвакытта сөендерә. Редакциягә күптән түгел Анна Кондакова килде һәм район гәҗитенә пөхтә итеп куелган фоторәсемне күрсәтте.

“Гәҗитне үземне белгәннән бирле яздырам, аңардан башка күңелемә нидер җитми. Хәтта егерме ел элек чыгарылганнарын да сак­лыйм. Беренче биттән укый башлыйм: һәрвакытта кызыклы, кемгәдер рәхмәт тапшыр­ганнар, кемнедер бүләкләгәннәр, – ди Анна Евгеньевна. – Саннарның берсендә ирле-хатынлы Халитовлар турындагы “Сугыштан соң очрашканнар” дигән язманы күрдем. Минем әти-әни алар белән бик дус иделәр, ә Зинаның гаиләсен сугышка кадәр үк яхшы белдек”.

Анна Евгеньевна алып килгән фотосурәт Зинаида Халитова, кыз чагында Николаева иде, тарафыннан аның әтисе Евгений Широковка берничә уннарча ел элек бүләк ителгән булган. Икенче ягына болай дип язылган: “Бөек Ватан сугышы көннәрендә Зинаидадан Енага истәлеккә. Тәтешне һәм бергә үткәргән көннәрне тыныч вакытта искә ал. Фотога Подольскида төштек. 5.04.44”.

Анна Евгеньевна сурәтне Халитовларның хәзерге вакытта Лаешта яшәүче кызлары Розага җибәрергә була. Аларга хәтта телефон аша аралашырга, һәм үзләренә таныш кешеләрне искә алырга да насыйп итә. Шулай итеп, көтмәгәндә, безнең гәҗиттә бастырылган тарих үз дәвамлылыгын ала.