Ирина Большакова: “Коллективка беркайчан шикләнеп карамыйм”

(Тәтеш, 22 декабрь, “Тәтеш таңнары”). Россия  пенсия фондының Тәтеш районы Идарәсе начальнигы Ирина Большакова юбилей датасы җитәрәк безгә коллективның эшчәнлеге һәм аның казанышлары турында
сөйләде.

– Ирина Александров­на, районыбыздагы пенсия фонды ­идарәсе­нең башлангычында кем­нәр торуы хакында сөй­ләгезче.

– Идарә мөстәкыйль структура буларак 2001 елның февралендә тө­зелде. Аңа оешкан вакытыннан алып 2009 елга кадәр Наталья Петровна Башина җитәкчелек итте. Хәзерге вакытта пенсия системасының ун ветераны лаеклы ялда, алар Тәтешнең пенсия фонды идарәсенең башлангыч юлында торучылар. Болар – Наталья Петровна, Гөлшат Хәсәнова, Геннадий Мамкин, Фирүзә Ногуманова, Мария Кириллова, Мария Демахина, Надежда Долгова, ­Вячеслав Палачев, Владимир Ананьев, Любовь Ванюхина. Нәкъ тә менә алар без бүгенге көндә уңышлы эшләсен өчен ныклы нигез салучылар, сыйфатлы база ­булдыручылар.

– Идарәнең төп эш­чән­леге нидән гыйба­рәт, аның структурасы ни­чегрәк?

– Хәзерге ­вакытта без­­нең коллективта 27 хез­мәткәр исәпләнә, алар гражданнар һәм эш би­рүчеләр белән көн саен пенсия иминияте һәм социаль тәэминат буенча эш алып баралар. Надежда Гурьянова җитәкчелек иткән билгеләү, яңадан исәпләү, пенсияләр түләү, иминиятләштерелгән зат­ларның пенсия хокукларын бәяләү бүлеге иң зур бүлекләрнең берсе булып тора. Андагы 8 хезмәткәр көндәлек тәртиптә кабул итәләр, киңәшләр бирәләр һәм пенсияләр билгелиләр. Ольга Мои­сее­ва җитәкчелек иткән персоналлаштыру исәбе һәм иминиятчеләр белән үза­ра эшләү төркеменә 3 кеше керә. Төркемдәге белгечләр райондагы барлык имини­ятчеләр белән үзара эш­ләүне тормышка ашыралар һәм 4 меңнән күбрәк гражданның пенсия хокук­лары исәбен алып баралар, аларның шәхси счетларында иминият взнослары яктыртыла, болар булачак пенсия­не дә булдыралар. Финанс-икътисад төркеме – бу идарәнең җаваплы урыннарының берсе, андагы белгечләр пенсия тәэминатын планлаштыру белән шөгыльләнәләр. Аңа Юлия Петрова җи­тәкчелек итә, аның ида­рәдәге хезмәт стажы 17 ел.

– Оешмада  шулай ук озак вакытлар эшләүче кешеләр дә бардыр?

– Әйе, әлбәттә. Алексей Никоноров, Лилия Низамова һәм Ирина Егорова бездә егерме елдан артык эшлиләр. Бүгенге көндә алар үзләренең тәҗрибәсен башлангыч белгечләр белән уртак­лашалар. Гөлира Са­бир­җанова 2001 елдан чис­талыкны һәм тәртипне булдыра, килүчеләрне һәр­вакытта клиентлар хез­мәтенә керү юлында каравылчы-вахтерлар ягымлы итеп каршылыйлар. Алар­ның кайберләре бездә 15 елдан күбрәк хезмәт куя. Болар – Оксана Фадина белән Геннадий Чугунов. 

– Хезмәткәрләрнең эш­чәнлеге бары тик ­Ида­рә диварлары белән генә чик­­ләнмидер инде?

–  Әлбәттә, коллектив район һәм республика күләмендәге чаралардан  читтә калмый. Спартакиа­даларда, төрле ярышларда актив катнашып, приз­лы урыннар да яулыйбыз. Хезмәткәрләребез арасында талантлы кешеләр күп. Мисалга, Ирина Егорова белән Ирина Дубкова “РПФ – минем язмышым” республика бәйгесендә җиңүче булдылар. Без­нең коллектив тарафыннан әзерләнгән иҗат отчеты да тәтешлеләрнең хәтерендә уелып калды. Ял итәр өчен вакыт сирәк булса да, без аны файдалы итеп үткәрергә тырышабыз. Свияжскида, Болгар, Тәтеш ягы тарихы музеенда экскурсияләрдә булдык.

– Киләчәккә планнарыгыз нинди?

– Республикадагы ида­рәләр арасында без 9 ел дәвамында алдынгы урынны биләп торабыз. Без алга таба да, 30 еллык эшчәнлек белән куелган иң югары стандартларны саклап тотарга тырышачакбыз. Коллектив алдында – үзенең игелекле хезмәтен алып баручы, һәрвакытта тигез булмаса да, киң юл: ул корпоратив этиканы һәм культураны тиешенчә үтәп, күрсәтелә торган хезмәтләрнең сыйфатын яхшырту юлы белән пенсия фонды органнарына ышанычны арттыра. Үземнең коллективка беркайчан да шикләнеп карамыйм, чөнки аларның иң яхшылар икәнлеген беләм!

РПФның Тәтеш районы Идарәсе 7 800 пенсионерга һәм 750 иминиятчегә хезмәт күрсәтә.