Тетюшские зори
  • Рус Тат
  • Кече Бисәрдә яшәүче Татьяна Хохлова 90 яшьлек юбилей

    Ул Победа поселогында туа.

    (Тәтеш, 23 сентябрь, «Тәтеш таңнары», Алинә НУРИЕВА). Татьяна Анисимовна Хохлова йортында иркен һәм якты, гаилә учагы җылысы  сак­лана. Ул Победа поселогында туа. Хезмәт юлы, күп кенә яшьтәшләре кебек, 9 яшьтән башлана: колхозда эшли һәм үзенә йөкләнгән хезмәтләрне җиренә җиткереп башкара. Әбекәй ничек итеп Идел аръягында: Комаровка, Долиновка, Зольный урманнарында кул пычкысы белән агач кисүләрен искә төшерә.

    “Таңнан алып төнгә кадәр барлык эшләрне башкардык. Миңа “Бөек Ватан сугышында фидакарь хезмәте өчен” медален нәкъ тә менә кырда тапшырулары хәтеремә уелып калган”, – ди Тать­яна Анисимовна.
    Ил өчен авыр 1947 елда унсигез яшьлек кыз Владимир өлкәсенә торф  чыгару эшенә китә. Җәен арбаларда чимал ташыйлар, ә кышын Курловода пыяла заводында эшлиләр. Хезмәт эшчәнлеген раслый торган  49нчы елда бирелгән документ әлегә кадәр сакланган. Авылдашы, Бөек Ватан сугышы ветераны Сергей Ивановичка кияүгә чыга. Бер-бер артлы дүрт балалары туа: ике малай – Петр һәм Анатолий, ике кыз – Надеж­да һәм Раиса. Ире тыйнак, эшчән була. Инвалидлык белән кайткан фронтовик 90нчы еллар азагында каты чирләп китә. Хатыны аны унөч ел карап тәрбияли. Татьяна Анисимовна 2009 елдан берьялгызы кала. Әмма, шәһәр тормышының рәхәтлегенә карамастан, балалары ата-ана нигезенә еш кайталар. Ә Ульяновскида яшәүче Надежда һәм Казанда гомер кичерүче Раиса туган авылларында чиратлашып, берәр айлап ­торалар.
    – Сәламәт һәм озын гомерле булсын! Әниебез, безнең белән озаграк яшәсәң иде! – диләр алар. 
     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: