Хәлне булдырмый калу мөһим

(Тәтеш, 2 декабрь, "Тәтеш таңнары). 
Балигълык яшендә булмаучылар һәм аларның хокукларын яклау эшләре буенча район комиссиясенең киңәйтелгән ­утырышында район активы һәм ­хокук саклау органнары катнашында районның белем бирү учреждениеләрендә тәр­бия чараларын, үс­мерләр тирәлегендә хокук бозуларны профилактикалау буенча җавап­лы хезмәтләрнең эш дәрәҗәсен анализладылар. Комиссия рәисе – Тәтеш районы башлыгы урынбасары Евгений Курков киңәшмәдә катнашучыларга балигълык яшендә булмаучылар арасында хокук бозулар артуны киметү һәм профилактик эшләрнең нә­­тиҗәлелеген үстерү буенча яңа юллар эз­ләргә өндәде.

“Вакытында һәм дөрес оештырылган педагогик, психологик ярдәм, гаиләнең, якыннары­ның ярдәме һәм аңлавы үсмерне хокук бозуга китерә торган хәлне булдырмый калуда мө­һим йогынты ясарга мөмкин. Бу сезнең белән безнең төп бурыч”, – диде Евгений Гаврилович, җыелучыларга  мө­рәҗәгать итеп. 

Утырыш нәтиҗәләре буенча карарлар эшләнелде һәм алга таба планнар билгеләнде, аларда про­филактика уздыруга һәм ведомствоара үзара эш­ләүгә басым ясалды.