Тетюшские зори
  • Рус Тат
  • Хәвеф-хәтәр янәшәдә

    Салкыннар башлану һәм Яңа ел бәйрәмнәре якынлашу белән янгын сүндерүчеләр һәм коткаручылар чаң суга: янгын куркынычсызлыгына карата ваемсызлык фаҗигаләргә китерергә мөмкин.

    (Тәтеш, 20 ноябрь, “Тәтеш таңнары”). “­Хөрмәтле ата-аналар, балагыз белән янгын куркынычсызлыгы кагыйдәләре турында сөйләшегез:
    Балаларга пиротехника кулланырга рөхсәт итмәгез.
    Балаларны өйдә караучысыз калдырмагыз.
    Балага шырпы уенчык түгеллеген, ә ут белән уйнарга ярамавын аңлатырга кирәк.
    Балаларны көнкүреш электр приборларыннан һәм газ плитәсеннән куркынычсыз файдалану кагыйдәләренә өйрәтергә кирәк.
    Җиңел янып китүчән сыеклыкларның куркынычлыгы ­турында сөйләгез.
    Янгын чыккан очракта баланы үз-үзеңне тоту кагыйдәләренә өйрәтегез. Балалар үзләренең адресын һәм янгын сагы телефонын белергә тиеш. Балаларга янгын вакытында качып ятарга, берәр әйберне өйдән чыгарырга яки сак­лап калырга тырышырга кирәк түгеллеген аңлатыгыз. Балалар бер генә бурычны үтәргә – өйдән исән-имин чыгарга тиеш.
    Балаларның ябык фатирларда яки бүлмәләрдә калуы бик куркыныч. Янгын чыккан очракта алар ут белән капланган бинадан чыга алмый.
    Шырпы һәм кабызгычларны бала алырлак урында ­калдырмагыз.
    Баланы ягылган мичне карап торырга дип үзен генә калдырмагыз”, – дип мөрәҗәгать итә Тәтеш районы буенча янгын күзәтчелеге өлкән инспекторы хәрби хезмәт капитаны Денис Сафиуллин Тәтеш районы ата-аналарына.


    2020 елда Татарстан Республикасында янгыннарда 3 бала үлгән, 17 бала төрле дәрәҗәдәге җәрәхәтләр алган.
    Өч һәлак булган бала да 6 яшькә кадәр булган:
    –  ут белән шаярудан 5 яшьлек бала һәлак булган (Әлмәт районы);
    – электр җиһазын җыю кагыйдәләрен бозу нәти­җәсендә 2 яшьлек бала һәлак булган (Зәй районы);
    – газ җиһазларын урнаштыру яки эксплуа­тацияләү кагыйдәләрен бозудан 5 айлык бала һәлак булган ­(Балык Бистәсе районы).


    Янгын вакытында җәрәхәтләнгән балаларның күбесе 17 очракның 10сы 7дән 13 яшькә кадәр туры килә. Ел башы һәм ахыры, кагыйдә буларак, балигъ булмаганнар тарафыннан пиротехника әйберләрен кулланган вакытта имгәнүләр алу чоры булып тора.

    Агымдагы елда пиротехник эшләнмәләрдән файдаланганда янгын куркынычсызлыгы кагыйдәләрен бозу безнең республикада 3 яшүсмернең имгәнү алуына сәбәп булды:

      01.01.2020 елда Лаеш районында 16 яшьлек яшүсмер җәрәхәт алган – янган петарда яшүсмернең бияләенә эләгеп кала һәм шартлый.

         04.01.2020 елда булган вакыйга нәтиҗәсендә Зәй районының бер йортында 13 яшьлек бала җәрәхәт алган – яшүсмер урамда петарда тапкан һәм ут төрткән.

      01.03.2020 елда Яр Чаллы шәһәренең ­торак йортларының берсе янында булган вакыйга нәтиҗәсендә 12 яшьлек бала җәрәхәт алган – яшүсмер карда яткан петарда һәм ут кабызгыч күреп ала һәм ут төртә.
     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: