Краснодар краенда фура белән автобус бәрелешеп, дүрт кеше үлгән, унтугыз кеше имгәнгән

(Казан, 15 декабрь, «Татар-информ»). Краснодар краенда фура белән автобус катнашындагы юл һәлакәтендә дүрт кешенең гомере өзелгән, унтугыз кеше имгәнгән. Бу хакта ТАСС хәбәр итә.

Фаҗига бүген Назаровск районында булган. Беренчел мәгълүматлар буенча, трассада йөк машинасы белән пассажир автобусы бәрелешкән.

Һәлакәт аркасында дүрт кеше үлгән һәм тагын унтугыз кеше төрле җәрәхәтләр алган, диелгән әлеге хәбәрдә.

Фаҗига сәбәпләре ачыклана.