Тетюшские зори
  • Рус Тат
  • Әниләр белән әзерлибез

    Бәйрәм көн тәмле ризыкларсыз буламы? Тәтешлеләр үзләренең ашамлыклар пешерү серләре белән уртаклаштылар.

    (Тәтеш, 29 ноябрь, “Тәтеш таңнары”).

    Наталья Вәлиуллова, ике кызның әнисе:
    “Гаиләбез өчен озак еллардан бирле эремчек пирогы пешерәм. Әзерләү ысулы катлаулы түгел. Тиз һәм тәмле була.
    Кирәк булачак: сыер мае – 200 грамм, он – 3 стакан, шикәр комы – 1 стакан, тоз – 0,5 чәй кашыгы, сода – 0,5 чәй кашыгы, эремчек – 500 грамм, йомырка – 4, шикәр комы – 0,5 – 1 стакан (эчлеккә), ванилин – бер чеметем. 
    Эремчекне йомырка, шикәр комы һәм ванилин белән бергә кушыгыз, барысын да блендерда бер катнашмага әйләнгәнче туглагыз. Катырылган сыер маен эре угычтан уыгыз, майга шикәр комы, он, сода һәм бер чеметем тоз салыгыз. Валчыкларга әверелгәнче барысын бергә яхшылап уыгыз. Табаны майлагыз. Уылган валчыкның яртысын шуңа салыгыз һәм тигезләп җәегез. Эчлекне салыгыз, ә өстенә валчыкның яртысын җәегез. 180 градус кызулыктагы мичтә 40-45 минут пешерегез. Эремчек пирогын суынгач кисәкләргә бүлегез”.

    Лилия Минневәлиева, ике кызның әнисе:
    “Тозлаган кәбестәдән вареникиларны миңа балачакта әнием пешерә иде, ә хәзер балаларым өчен мин үзем әзерлим. Ул безнең иң яраткан ризыкларның берсе.
    Кирәк булачак: камыр өчен: 3 йомырка, 150 грамм су, бераз тоз, он. Катырак итеп камыр басабыз һәм аны пакетка салып, “ял итәргә” куеп торабыз. 
    Эчлек өчен: якынча 0,5 литрлы банкада тозланган кәбестә, 2-3 баш суган, көнбагыш мае.
    Эчлек әзерлибез: суган белән кәбестәне көнбагыш мае салып, сүрән утта пешереп алабыз. Суытабыз. Камырны җәябез, түгәрәкләр кисәбез, эчлекне салабыз һәм чит-читләрен бөгеп тоташтырабыз. Тоз салынган суда пешереп алабыз.
    Табынга сыер мае, каймак яки майонез белән бирәбез”. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: