Бәйрәм III район күзәтү-конкурсы кысаларында узды.
23 августта Кече Шәмәк авылы мәдәният йортында Татарстан Республикасы Тәтеш муниципаль районының мәдәни-ял итү учреждениеләре арасында «2026 елның иң яхшы мәдәни-ял итү учреждениесе» III район күзәтү-конкурсы кысаларында авыл көненә багышланган бәйрәм узды. Бу хакта Олы Шәмәк авылы мәдәният йорты хәбәр итә.
Бәйрәм мәдәният йорты янында авыл тарихы турындагы эчтәлекле күренештән башланып тамаша залында дәвам итте. Үзешчәннәр башкаруында матур концерт номерлары башкарылды.
Программада чуаш драматургы Ефим Никитинның «Перисем уя, теприсем туя» («Берәүләр эшкә, икенчеләре туйга») исемле пьесасы буенча куелган спектакль-комедия аерым урын алды, вакыйгалар гади чуаш авылында барды. Мәктәпнең җиде сыйныфын тәмамлагач, яшьләр шунда ук колхозда эшли башлыйлар. Төп героиня Вераны мәктәпнең яшь укытучысы кичке мәктәпкә укырга чакыра, ә авыл гайбәтчесе Валя шунда ук аларны кияү белән кәләш дип игълан итә, авыл буйлап гайбәт тарата.
Гаилә советы, бер саксыз сүзнең бөтен авыл тормышын үзгәртергә сәләтле икәнен күрсәтеп, барысын да үз урынына куя. Мәдәният йортының иҗат коллективына тамашачылар көчле алкышлар белән рәхмәт белдерделәр.
Нет комментариев