Шәһәрле Александр  Новиков стажлы радио яратучы

(Тәтеш, 24 май, "Тәтеш танңары"). Шәһәрле Александр Новиков стажлы радио яратучы – ул үзенең беренче радиоалгычын унбер яшендә җыйган.

Әтисе элемтәче булган – башта Тәтештә радиоузелда, аннары телефон станциясендә эшләгән, шуңа күрә Александр Викторовичның кечкенә чагыннан ук радиоэлемтә белән кызыксынуы гаҗәп тә түгел.
– Өйдә һәрчак “Радио” дигән журнал бар иде, мин аларны еш карап, алардан нәрсәнедер үземнең күңелемә салып куйдым, схемаларны күзәтеп бардым. Ә безнең күршедә Миша Боголюбов яшәде. Ул кайчандыр портта эшләде, файдаланмый торган радиотехниканы алып кайтты һәм шулай ук мине радиога җәлеп итте, – дип сөйләде. 

Радиоалгычларны дус­тым Слава Лисин белән бергә җыя башладык. Әти­се аңа әле мәктәп укучысы булганда ук ярдәм иткән, Александр Викторович читтән торып радио яратучылар курсын тәмамлаган һәм инструктор – җәмәгатьче таныклыгы алган, бу аңа  Пионерлар йортында түгәрәкләр алып бару мөмкинлеген биргән.

Армиядә хезмәт итәр алдыннан ­радио­те­­лемас­тер­га укып чыккан (бер үк вакытта Казандагы коллек­тив радио­станциясендә радио­кү­зә­түче булып эшләп), Тә­тешкә кайткан һәм көнкүреш хезмәте күрсәтү комбинатына эшкә урнашкан.

– 1968 елда мине ар­миягә алдылар. Өч ел флотта хезмәт иттем. Тиешле белемне алгач, су асты көймәләренең  гид­роакустик ­станция­лә­рен ремонтлау белән шө­гыль­ләндем, – дип ис­кә төшерә Александр ­Вик­­торович.   

Хезмәт итеп ­кайткан һәм кабат элекке эш урынына, көнкүреш хез­мә­те күрсәтү комбинатына килгән. Үт­кән йөз ел­лыкның 70нче елларында аппаратураларны ремонтка күп алып килү­ләрен әйтә, өстәвенә мастер “өй­ләргә” дә барган.

Александр Викторович үзе­нең яраткан шөгыле турында да онытмаган: радиодулкыннар буенча еш кына сәяхәткә юл тоткан. 

– Тәтештә, миннән тыш, Володя Сайкин, Женя Бас­каков, Слава Лисин, Иван Бердниковлар да радиодулкынга ия иделәр. Без үзара аралаштык. Хәзерге вакытта Россиядән генә түгел, шулай ук Австра­лия­дән, Арктикадан, Япо­ниядән, Көньяк Африкадан радио яратучылар белән элемтәгә чыгам. Радио яратучылар теләсә нинди темага аралаша ала, шулай да бу гамәлдә кулланылмый, һәм элемтә радиотапшыргычлар алмашуны, рапортларны күз уңында тота, – дип уртак­лаша ул.  

Радио яратучылар ара­сында төрле дәрә­җәдәге чемпионатлар үткә­релүен күпләр бел­миләр дә: Александр Викторович аларда күп тапкырлар призер һәм җиңүче булды, һәм радиоспорт буенча бүгенге көнгә кадәр Татарстан чемпионы булып тора. 

– Хәзер инде кәрәзле телефоннар бар, радио­элемтә нигә кирәк, дип сорыйлар миннән. Шулай да эфир тавышы, шаулап торуы, шатырдавы – боларны берни белән дә чагыштырырлык түгел, – дип әңгәмәне тәмамлый Александр Новиков.