Татар Бидәңге авылында рәсем конкурсы үткәрелде

(Тәтеш, 27 гыйнвар, “Тәтеш таңнары”). 20 гыйнвар көнне Татар Бидәңгесе авылы китапханәсендә “Кышның гүзәллеге” дип исемләнгән рәсем конкурсы үткәрелде.

Тәрәзә артында кар, кышкы табигатьнең матурлыгы, саф һавада күңел ачу төрлелеге — кышның бөтен гүзәллеген сурәтләү өчен менә дигән форсат.

Балалар зур канәгатьләнү белән бу елның иң якты фасылы һәм сынамышларын санап үттеләр, кыш турында табышмакларга җавап бирделәр һәм иҗади эштә бик теләп катнаштылар.