Тетюшские зори
  • Рус Тат
  • Татарстанда бер балыкчы батып үлгән, икенчесен эзлиләр

    Водолазлар көймәдән 30 метр ераклыкта һәм 2,2 метр тирәнлектә 64 яшьлек ир-атның мәетен тапканнар.

    (Тәтеш, 6 апрель, «Тәтеш таңнары»). Татарстанда бер балыкчы батып үлгән, икенчесен коткаручылар эзли. Бу турыда «Татар-информ»га һәлакәт урыннан үз хәбәрчесе хәбәр итте.

    Шимбә, 4 апрельдә иртән 59 һәм 64 яшьлек ир-атлар Кама Аланына балыкка киткән һәм өйгә кайтмаганнар. Алар соңгы тапкыр 17.00 сәгать тирәсендә элемтәгә чыккан. Шуннан бирле башка хәбәрләре булмаган.

    Балыкчыларны эзләргә алтынчы зональ янгын сүндерү-коткару отряды хезмәткәрләренең кизү төркеме барган. Агач көймәдә балыкчыларның әйберләре табылган. Коткаручылар елганың 4 кв. м мәйданын караган, сулык төбен һәм 5 км елга ярын тикшергәннәр, әмма ир-атларны тапмаганнар.

    Бүген иртән эзләү эшләрен дәвам иткәннәр. Водолазлар көймәдән 30 метр ераклыкта һәм 2,2 метр тирәнлектә 64 яшьлек ир-атның мәетен тапканнар.

    Икенче балыкчыны эзләү эшләре дәвам итә.

    фото: Валентин Кулагин

    18+

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: