Татарстаннан 105 бала Мәскәү шәһәренә Яңа ел чыршысы янында бәйрәм итәр өчен юлга кузгала

(Тәтеш, 24 декабрь, “Тәтеш таңнары”) Мәскәүдәге Кремль сараенда үтәчәк Яңа ел бәйрәменә 25 декабрьдә башкалабыз Татарстаннан 105 бала барыр дип ниятләнә.

Әлеге күңелле һәм тантаналы бәйрәм чарасына төрле олимпиадаларда җиңү яулаган, фәнни берләшмә, иҗтимагый оешма вәкилләре буларак сигез яшьтән унөч яшькә кадәрге балалар барачак.

Болардан тыш, әле тагын батырлык гамәле күрсәткән балалар да чакыру алган. Суда баткан тугыз яшьлек малайны коткарып, аңа гомер бүләк иткән 13 яшендәге Илфат Әюпов та кунак булып Яңа ел күренешен күреп кайтачак.

“Күпердән кармак тондырып, елгада балык каптыра идем. Бер малай велосипед белән күпер аша чыкканда кинәт суга егылып төште. Аны күреп алдым да, шунда ук елгага сикердем һәм ярга алып чыктым. Бу мизгелдә мин курку хисен тоймадым. Әти белән әни мактадылар, аннары мәктәптә медаль тапшырдылар”, – дип үткәннәрне хәтерендә яңарта тәвәккәл Илфат.

Җыр сәнгате белән җиде елдан бирле шөгыльләнүче Елизавета Куркинаны вокаль сәләте өчен чакырганнар. “Мавыктыргыч бәйгеләрдә активлык күрсәтәм, “Йолдызлык”та катнашам. Шуңа да мин Мәскәүгә барачакмын. Анда яңа танышлар белән очрашырмын дип өметләнәм”, – дип уртаклашты кыз. 

“Россиядәге бөтен субъектлардан иң сәләтле яшьләрне ел саен Мәскәү Кремленә Президент чыршысы янында бәйрәм итү өчен бергә берләштерәләр”, – дип хәбәр итте Татарстанның яшьләр эшләре министры урынбасары Анна Захматова. 

Юллап җибәрер алдыннан башта балаларның документлары яхшы итеп тикшерелә, аларга ТАССР символы ясалган баш киеме һәм шарф тапшырыла. Моңардан тыш әле табиблар медицина тикшерүе дә үткәрә. Медицина белгечләре әйтүенчә, Мәскәүгә чыршы бәйрәменә барырга җыенган балаларның барысы да сау-сәламәт. 

Татарстаннан баручы балалар Мәскәү каласында файдалы һәм мавыктыргыч ике көнлек тамаша белән кызыклы чарада күңел ачачак. Аларга зур шәһәр буйлап экскурсия һәм истәлекле урыннарны күрү насыйп булачак.