Тетюшские зори
  • Рус Тат
  • Татарстанның атказанган артисты Салават Фәтхетдиновның онлайн-концертын дөнья буйлап ярты миллион кеше караган

    Республикабызның күренекле, танылган артистлары коронавирус аркасында үзләренең концертларын онлайн-төрдә җырлауга күчерде.

    (Тәтеш, 25 март, “Тәтеш таңнары”). Халыкның яраткан артисты Салават Фәтхетдиновның онлайн-концерты гаять күп тамашачыда кызыксыну уятты. Җырчының чыгышын туры эфирдан ярты миллионнан күбрәк кеше караган. Мондый киң күләмле вакыйганың туры эфиры Татарстан Республикасының рәсми интернет-берләшмәләре мәйданчыкларында, “ВКонтакте”, “Одноклассники” һәм инстаграм социаль челтәрендә күрсәтелде. Проект коронавирус таралу сәбәпле карантинда булучылар өчен оештырылды. Әлеге проект кысаларында Салават Фәтхетдинов беренчеләрдән булып онлайн-концерт куйды.

    “Зур залда күрсәтелә торган концерт барышындагы хис-тойгыларны бернәрсә дә алыштыра алмый, ләкин хәзерге вакытта без бер-беребезне кайгыртырга тиеш. Үзегез һәм якыннарыгыз сәламәтлеге хакында онытмыйча, өйдә утырсагыз иде”, – диде Салават Фәтхетдинов тамашачыларга.
    Концерт бөтен дөнья буйлап таралган җыр сөючеләрне берләштерде.

    Салават Фәтхетдинов онлайн-концерт бирү эстафетасын бүген Ришат Төхвәтуллинга тапшырды. Сәләтле җырчы Ришатның шулай ук меңләгән үз тамашачысы бар. Акция #айдадомой хештегы белән уза
     
     
     
     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: