Тәгәрмәчле поликлиника янә авыл кешеләре янына килде

(Тәтеш, 15 ноябрь, "Тәтеш таңнары"). Олы Шәмәк авыл җирлегендә күчмә мобиль поликлиника эшләде. Казаннан килгән табиблар дүрт көн эчендә Олы Шәмәк, Зур Әтрәч, Олы Тормы авыл җирлекләрендә яшәүче 200дән күбрәк кешегә тикшерү уздырды. Кардиолог, окулист, невролог, гинеколог, кан тамырлары хирургы авыл кешеләренә яшәү урыны буенча диспансеризация үткәрде һәм алга таба Тәтеш үзәк район хастаханәсендә, республика клиника хастаханәсендә тикшерелү өчен күрсәтмәләр бирде. 

Исегезгә төшерик, тәгәрмәчле ­поликлиника августта  Бакырчыда һәм районыбызның аңа якын урнашкан авыл җирлекләрендә яшәүчеләрне тикшерде.