“Тормыш иминлеге нигезләре” курсы буенча Татарстан Республикасының ел укытучысы”

(Тәтеш, 6 февраль, “Тәтеш таңнары”). 2020 елның 3 февралендә Югары Ослан авылында “Тормыш иминлеге нигезләре” курсы буенча Татарстан Республикасының ел укытучысы” республика конкурсының зона этабы узды. ТРның сигез муниципаль берәмлегенең муниципаль этабында җиңүчеләр булды.  

Сәламләү сүзе белән конкурсның жюри рәисе “Югары Ослан муниципаль районы Башкарма комитетының мәгариф бүлеге” җитәкчесе В.В.Касыймов чыгыш ясады. Конкурста алган тәҗрибә җитди һөнәри бурычларны хәл итәргә ярдәм итәчәк, дип билгеләп үтте ул.

Регламент нигезендә конкурсның әлеге этабы дәресне һәм мастер-классларны үз эченә алды.

Безнең районнан муниципаль этапта җиңүче, югары квалификацияле категорияле ОБЖ укытучысы Фәтхуллин Тәслим Гыйбадулла улы катнашты.