Тетюшские зори
  • Рус Тат
  • Тәтеш районда кайнар линия эшли

    Өлкән яшьтәге кешеләр ярдәм сорап волонтерларга мөрәҗәгать итә.

    (Тәтеш, 10 апрель, «Тәтеш таңнары»).  “Шәһәрдәге һәм райондагы өлкәннәрдән генә түгел, шулай ук яшьрәк кешеләрдән дә азык-төлек китерү турындагы мөрәҗәгатьләр күп килә. 
    Аларны, аерым алганда, олыгайган әти-әниләре янына рөхсәт булмаган килеш бару мөмкинме икәнлеге, районыбыздагы авыл җирлекләрендә, башка шәһәрләрдә һәм Россия төбәкләрендә өйләргә волонтерларны ничек чакырырга кирәклеге кызыксындыра. Бүгенге көнгә   60 мөрәҗәгать булды”, – дип аңлатма бирә кайнар линия эше хакында халыкка комплекслы социаль хезмәт күрсәтүче “Тәтеш балкышы” үзәге белгечләре.

    Волонтерлар – Тәтешнең спорт мәктәбе тренер­лары Эльмира Мөхәм­мәтҗанова һәм Анастасия Рипанова шәһәрле Татьяна П.-га дарулар илтте. 

    Шунысын да билгеләп үтик, кайбер оешма коллективлары да пенсионерларга, элек үзләрендә эшләп чыккан өлкән кешеләргә, зарурилык булган очракта, азык-төлек, беренчел кирәкле товарлар һәм дарулар илтеп бирүне тормышка ашыра. 

    Ә Чуаш Чурапанында яшәүче Галина Тимрюкова ирекле башлангычта, мөстәкыйль рәвештә, өлкән яшьтәге авылдашларына ярдәм итәргә булган һәм аларга кирәкле барлык әйберләрне өйләренә китереп бирә (битлек һәм перчаткаларда).

    Тәтештәге кайнар ­линия телефонын исегезгә төшерәбез: 8(84373) 2-63-13.   

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: